ريفيو منتجات لش LUSH

السلام عليكم و رحمة الله

صباح الخير 

اهلا حبيباتي 

راح يكون بوست سريع عن بعض منتجات LUSH

بعض المنتجات دايم استخدمهم من فتره لفتره
كل مره اروح لش اشتري منتجات دايم استخدمها و اخذ منتجات جديده
عشان اجربها
بدايتي مع منتجاتهم كانت مع Bath bomb
منتجات فواره للباث
منتجاتهم  Hand made

يدويا و فرش يعني ما فيها مواد حافظه كثير
وهذا سبب غلاء اسعار المنتجات عندهم

 ***

It's raining men
شاور جل بالعسل و الليمون و البرتقال (الحمضيات) 
ريحته توفي .. جميل و يرطب الجسم 
للجسم و يستعمل للشعر
فالبداية ريحته قويه لما تكون فالعلبه
لكن تحت الشاور الريحه تكون اقل تركيز و تكون احلى
السعر: الحجم الكبير: 185 , الحجم المتوسط 110
الحجم الصغير 55 
 **
 
RUB RUB RUB
مقشر للجسم و الشعر و الارجل
مقشر رااائع راائع ..عيبه الوحيد ان فيه عطر
ويعيب منتجاتهم بشكل عام لانها منتجات للعنايه
 مقشر بحبيبات ملح البحر الناعمه والليمون و زهرة البرتقال
يستخدم على الجسم المبلول و يعطي تقشير ناعم
او على الجسم الجاف و يعطي تقشير اقوى
جربته للشعر حلو.. يخلي الشعر شوي ويفي كانك رايحه البحر بسبب املاح البحر
ويعطيه فوليوم كأنه كثيف..ما لاحظت ان بين فرق كبير فالفوليوم
السعر: 100
***

  H'suan wen hua
 ماسك و بلسم علاج للشعر
هذا استخدمته من فتره بسيطه
اخذته للتجربه ..
مكتوب انه يعالج الشعر و يرجع اللمعان للشعر
 استخدمته عجبني من اول استعمال لكن ما زال تحت التجربه
امي عجبها و تستعمله
ريحته سبايسي مثل القرنفل 
ومكوناته زيوت مثل زيت الروزماري و زيت القرفه
و زيت الزيتون 
و الموز و الافوكادو والبيض
شفت مكوناته فالعلبه
الشي اللي عجبني ان اغلب المكونات طبيعيه
و المكونات الغير طبيعيه قليله بالمقارنه بالمنتجات الثانيه
السعر:105
***

DADDY-O
شامبو للشعر المصبوغ الاشقر
يمنع الشعر الاشقر من انه يصير باهت
ريحته جميله .. عصير اللايم مع الليمون العضوي
مع المكونات في زيوت و منها جوز الهند
لكن فيه مادة الـ
Cocamide MEA 
وهذي الماده مستخلصه من مزيج ماده مع احماض دهن زيت جوز الهند
فيه اكثر من دراسات قالت انها ماده سامه
ودراسات قالت انها آمنه لو كانت بنسبه معينه
بالنسبه لشامبو بهالسعر لازم يكون خالي من المواد السامه
فيه جدل لكن سمعت انه امنه وخصوصا  بالمنتجات اللي نغسل بها الشعر على طول
يعني ما تضل عالشعر 
على العموم الشامبو جيد
و مكتوب عليه للشعر الاشقر و الاسود بعد
لكن ممكن ينشف الشعر
انا عجبني ..خصوصا ان فروة الراس عندي دهنيه
السعر: الحجم الكبير: 180 , الحجم المتوسط 120
الحجم الصغير 60 
***

اخيرا الصابون
الصابونه اللي على اليمين باللون العودي اسمها كارما "karma"
ريحتها سبايسي بهارات مع برتقال مع خليط
ريحتها جميله و منعشه وتجلس ع الجسم
فيها زيت الافندر و جوز الهند والصنوبر
والصابونه اللي على اليسار البنك اسمها "Rock star"
 ريحتها جميله و تنتشر فالمكان
ريحتها الاساسيه فانيليا
البنات اللي يحبون الفانيليا راح تعجبهم
لكن الريحه ممزوجه مع روائح ثانيه جميله
ريحتها تذكرني بالسفر لان اخر مره سافرت اخذتها معاي مع bath bombs
تقدرون تشترون الثنتين مع بعض بسعر: 80

انتهينا
برأيي منتجات lush تستاهل التجربه
ان شاء الله يكون عجبكم واستفدتوا

فيديو المنتجات على قناتي

زيت النعناع ... و تكبير الشفايف ؟؟؟ صحيح او لا ؟

السلام عليكم و رحمة الله

صباح النور

اهلا حبيباتي

من فتره نزلت فيديو عن تكبير الشفايف عن طريق زيت النعناع

فكرت انزل بوست في شوية معلومات ممكن تفيدكم

اولا : زيت النعناع او زيت النعناع الفلفلي peppermint oil

زييت اساسي فيه منثول اللي يعمل كعامل مبرد

طبعا انا من الناس اللي اعشق المنثول في منتجات الشفايف او في السكراب

او الشامبو او حتى في الاكل ..

حتى دايما اضيفه في السكراب سواء للجسم او للشفايف << انتعاش

المنثول جيد في تطهير الفم و خصوصا انه يعتبر نوع من الكحول

و زيت النعناع ..بشكل عام يستخدم كعلاج منزلي لبعض مشاكل الهضم و المعده

لكن الافضل عدم استهلاكه بشكل كبير لانه ممكن يضر القولون

 و يستخدم لتخفيف آلام العضلات

وفي (الجمال)

يدخل في منتجات تكبير الشفايف

و قبل فتره شفت فالانستقرام الدكتور شمس الدين

هو دكتور جلديه ممتاز

كاتب عن هذي المنتجات و الزيوت اللي تدخل فيها

و زيت النعناع منهم

اضغطي ع الصوره للتكبير

**

آلية عمل زيت النعناع

يهيج الاوعيه و يخلي الدم يملي هذي الاوعيه

فتكبر الشفايف

طبعا مفعول القلوسات اسرع و اقوى 

وافضلها هي من

ديور Dior

و تو فيسد too faced

ممكن تكون المنتجات مفعولها اسرع

لكن الزيت آمن و ممكن تستخدمينه طول الوقت 

بدون ما تخافين 

و سعره رخيص 

لكن اللي بشرتها جدا حساسه لا تحطه على الخدود
والحامل بعد تبتعد عنه افضل

بعد بحث شفت زيت النعنااع من شركه افضل و معتمد اكثر من اللي حطيته فالفيديو

هذا مو معناته اللي فالفيديو ما يعطي نتايج ,يعطي لكن في اللي احسن عنه

و هو من ماركة Now Food

تلاقونه اون لاين هنا:

جدا ممتاز

http://www.amazon.com/NOW-Foods-Peppermint-Oil-ounce/dp/B00028MKRQ

ادخلو رابط قناتي

لو حابين تشوفون الفيديو

https://www.youtube.com/user/PinkishSoul101 

ريفيو عن The Balm

السلام عليكم و رحمة الله

نزلت ريفيو عن The Balm

على قناتي

باليت Nude tude
The Balm
اخذته من النت بسعر 130 مع التوصيل سعره بدون التوصيل 90
كان عليه عرض ب22 دولار
وسعره الاصلي في الموقع 36 دولار
بنات لا تحكمون عليه من ناحية الصور
لانه في الصور يبين ان الالوان ممكن نحصلها في باليتات ثانيه
بس لما جربت اللوان و شفت الباليت في الطبيعه واااو
الكواليتي جداا رائع
ويبين في الدمج .. الالوان تندمج بسهوله

**

**
السواتش

*

*

’’

***
الشادوهات مع الفلاش

*

الفيديو

مفضلات شهر جولاي

السلام عليكم ورحمة الله 

مفضلاتي لشهر جولاي

اسماء المنتجات اللي ذكرتها في الفيديو

1

اول منتج هو مرطب العين من سوب اند قلوري soap and glory

اسم المرطب:Supereyes, Supereyes 

من صيدلية بوتس Boots

السعر :60

**

2

الشامبو الجاف dry shampoo

اسم الشامبو: batiste

بريحة الكرز

من صيدلية بوتس Boots

السعر: 25

**

3

العلبه الخضرا مقشر الرجل 

من مجموعة : True blue spa

المجموعه فيها اكثر من لون تقريبا اربع الوان و كل المجموعه منتجات للعنايه بالجسم

من محل باث اند بودي وركس Bath & Body works

السعر :25

البخاخ الازرق ..بخاخ للرجول

من محل ذا بودي شوب the body shop

السعر: تقريبا 45

**

4

العلبه الكبيره هي مقشر للجسم

من مجموعة : ARUBA coconut

بريحة جوز الهند

من باث اند بودي وركس Bath & Body works

سعر المقشر :80

و العلبه الصغيره لوشن للجسم

السعر : 25

**

5

مرطباااات كيوت

من مجموعة : C.O.Bigelow

مرطباتهم ممتااااااااازه سواء مرطبات الشفايف او الجسم

من محل باث اند بودي وركس Bath & Body works

السعر:35

**

6

مرطبين

اول مرطب اللي باللون الابيض

من Blistex

منتجاتهم للشفايف روعه

ينباع في اي صيدليه او في السوبرماركت

السعر :11

المرطب الثاني 

زبده للشفايف من لابيلو Labello

بنكهة التوت ..الشركه نزلت نكهتين توت و فانيليا و الثالث عادي بدون نكهه

ينباع في الصيدليات و السوبرماركت

سعره رخيص تقريبا 9

**

7

العلبه البنك الشفافه هو محلول تنظيف الوجه للبشره الحساسه

من بيوديرما Bioderma شركه طبيه

تباع منتجاتهم في الصيدليات

اخذتهم من صيدلية بوتس Boots

السعر: 33 للحجم الصغير

و العلب ع اليمين كريمات الليل و النهار

تكلمت عنهم في فيديو سابق

رابط الفيديو:

http://www.youtube.com/watch?v=8YCvV3eJRBA

**

8

عطر من قوتشي Gucci

اسم العطر : premiere

السعر : تقريبا في حدود ال 400 

**

9

برونزر باودر من بنفت Benefit

اسم البرونزر: هولا Hoola

من محل سيفورا Sephora

السعر :143

احبها ! اللي تبي باودر للنحت ما تتردد تاخذها

**

10 و اخر منتج

روج Lipstick

اللون عودي من ريميل Rimmel

الاسم : Cutting Edge 120

السعر : تقريبا قي حدود ال40

ما اذكر السعر لاني اخذتها وقت التخفيضات

تكلمت عن منتجات ريميل في هذا الرابط:

http://www.youtube.com/watch?v=Ah1w84Wm2X0

اخيرا فيديو المفضلات

اخفاء الهالات السوداء + ريفيو مكياجي 22K

السلام عليكم و رحمة الله 

كل عام و انتو بخير و رمضان كريم

المنتجات اللي ذكرتها في الفيديو كلها من مكياجي mikyajy

و اسم الماركه 22K

اعشقها .. الأشياء اللي ما جربتها هي البلشرات و الشدوهات

انشاء الله اجربها قريب 

اول شي هذا الروج

شوفو كيف جمييييييييييييل 

الروج  فيه لمعه معدنيه

اسم الروج: 06 Red Diva

السعر : 70

ثانيا

المسكرا المقاومه للماء

تكثف و ترفع الرموش

اسمها Glorious

السعر: 75

كحل ميتالك "فيه لمعه معدنيه"

*

اسم الكحل : 06 Emerald eyes

السعر : 65

*

هذا الشادو اللي ذكرته في الفيديو

 الشادو من NYX

الاسم: ES88A Lake Algae

ما اذكر السعر بس اعتقد اقل من 50

**

الكونسيلر و الهايلايتر بفس الوقت

اسمه بيرفيكت كونسيلر

Perfect full coverage concealer

الدرجه : 02 cosmic beige

السعر:65

**

لاخفاء الهالات استخدمت اولا كونسيلر ماك

و بعدها الكونسيلر الثاني

تابعي الفيديو شرحت كل شي

اخيرا

شنطة المكياج الكيوت 

من مكياجي و سعرها 45

وهنا الفيديو

أفضل بي بي كريم BB cream جربته

السلام عليكم و رحمة الله و بركاته

اول شي البي بي كريم

BB cream

Skin Perfecting Cream

البي بي كريم من Clarins

ينباع في اريج او باريس غاليري

السعر: 150

شويه منه يكفي لكل الوجه

**

البلشر من ديور Dior

وأسمه : Rosy glow

من اريج\ باريس غاليري\ سيفورا

في الصوره سواتش

سوري لو كان غير واضح لكن صورت بدون فلاش

السعر:209

**

1. مسكرا من ميبلين maybelline اسمها One by one

تنباع في سنتر بوينت

السعر 55

2. قلم أي لاينر من Diana of london

السعر :24 تقريبا

في اقلام مماثله من ميبلين و لوريال

3. شادو كريمي و بيس " اساس" و مثبت للشدو

اسمه: painterly

من ماك MAC

السعر : 105

**

المرطب مع لون من ميبلين

Baby lips

من ماكس

السعر: 15 

***

محددات الشفايف

1. من ماركة Deborah لونه بنك رقمه 90

السعر: 26

2.من ماركة NYX اسمه Pale Pink 854

السعر : 24 تقريبا

كلهم من سنتر بوينت

***

طبعا الغني عن التعريف

التنت من بينيفت Benefit

اسمه : Cha Cha tint

السعر : بحدود 150 تقريبا

من سيفورا

****

كل الريفيو في الفيديو على قناتي

ملاحظه:

اضغطي على الصوره للتكبير

هذا الفيديو

منتجات مكاديميا ..هل هي قد المدح؟النقد؟

السلام عليكم و رحمة الله

اهلين حبيباتي : ) ♥

حابه اتكلم عن منتجات مكاديميا لان قريت اكثر من نقد على المنتج

بعد ما شفنا الكم الهائل من المدح

منتجات مكاديميا للي ما تعرفها هي مجموعه منتجات للعنايه بالشعر

تحتوي على زيوت طبيعيه و منها زيت المكاديميا

و هذا واحد من منتجاتهم و اللي هو ماسك معالج للشعر

استخدمته هذا الاسبوع

رأيي في كلام البنات اللي انتقدوه 

لان نشف شعرهم او بعد فتره وقف مفعوله الخ

برأيي ان منتجات مكاديميا بشكل عام فعاله و نتايجها حلوه

لكن في 3 نقاط ممكن تكون سبب عدم فاعليتها 

اولا:

لو المنتج "بشكل عام اي منتج للشعر"

لو عطاني نتيجه واو ممكن ما يعطي وحده ثانيه نفس النتيجه

لانه يختلف من شخص لشخص و على حسب تناسب المنتج مع الشعر

ثانيا: ممكن يكون سبب النتيجه العكسيه هو عدم استعمال المنتج 

بشكل صحيح او مثل ما هو مذكور على العلبه

مثلا هنا تحت الخط المحدد مكتوب انه لا يستعمل لأكثر من مرتين فالاسبوع

استعماله اكثر من مرتين يضر الشعر

ثالثا و هو اهم سبب :

استمراريه استعمال المنتج

منتجات مثل هذا المنتج لازم تعطي الشعر منها بريك

و الافضل عدم استعمالها لفتره اكثر من شهرين

و اكثر الاخصائين ينصحون بتبديل منتجات الشعر و خاصه الشامبو و البلسم كل فتره

عشان استمراريه استعمالهم يخلي الشعر يتعود عليهم و بعد فتره ما يعطي المنتج مفعوله

او ينشف الشعر 

انا اسعمل مثلا مكاديميديا لمدة شهرين او شهر وبعدها استخدم منتجات ثانيه لمدة شهر

او شهرين و بعدها ارجع استخدم مكاديميا

فالنهايه هي مسألت انتفاع من المنتج

يعني لو المنتج مفعوله حلو و انتي منتفعه منه و تستخدميه بطريقه صحيحه

لا توقفي استخدامه لان شفتي نقد عليه او وحده ما فادها

 ♥